相信聖誕節是每個女生最喜歡的節日，曾到美國留學的徐子珊雖然過慣浪漫的白色聖誕，但原來伊人最想到芬蘭過傳統聖誕節：「好想有一年可以實現到呢個願望，親身去探吓真嘅聖誕老人，到時我申請做『聖誕老婆』，哈哈！唔知稱唔稱職呢？仲有梗係睇埋北極光啦！」

徐子珊希望到芬蘭過傳統聖誕。

雖然還未知芬蘭之行何時成事，但子珊每年亦會將家居布置得極具聖誕氣氛：「我會走去花墟買聖誕花應節，又會買吓聖誕裝飾，但屋企位置有限，擺唔到真嘅聖誕樹，惟有買有松果味嘅香薰蠟燭，到咁上下時間點着佢，咁間屋就會成陣香味，感覺好聖誕囉！同埋都會將朋友送嘅禮物堆埋一齊，等Boxing Day嗰日先拆，好開心o架！」