周秀娜偕鍾欣潼（阿嬌）等出席《she.com美容大賞2014》，周秀娜以低胸裙現身，由於不少觀眾在二樓觀看，問到可有做足安全措施？她笑言全程挺胸收腹：「黐咗膠紙，但冬天冷縮熱脹，黐嗰時熱，頭先喺出面凍（膠紙）就縮咗。」她表示將在家舉行全女班聖誕內衣派對，希望朋友送暖爐：「咁凍，屋企要擺三個暖爐，驚女仔凍親。（搵男友做暖蛋！）諗住搵個脫衣舞男畀幾個女仔開心吓，阿Dom（何浩文）拍《鴨王》，搵佢過嚟啦有經驗。」而阿嬌最近與葛優及章子怡拍內地電影，戲中飾演葛優第五個老婆，問到有否親熱鏡頭？她漏口風：「未拍到。（期待同葛優拍親熱戲？）期待。」談到蔡卓妍拍《雛妓》情緒低落，她說：「只知拍前有啲擔心，但同華哥（任達華）拍完就安心。」問到會否接拍全裸戲？她說：「會，有嘢遮住嘅。（接受全裸？）好嘅劇本可以嘗試，但係都搵個身材好啲啦！（阿Sa都搵，點會唔搵你！）華哥讚佢身材好。」

娜姐咁凍都谷胸又露腿，明益現場觀眾。