王子涵唔想靠爹哋

王晶女兒王子涵昨日與其他幾位星二代包括黃芷晴、鄭欣宜、唐貝詩、姜麗文及王曼喜等出席活動。問到子涵是否簽了內地經理人，她說：「傾緊，我希望喺內地發展，年紀都唔細，要發展自己嘅事業，依家香港都有經理人幫我。（有冇問爹哋意見？）有呀！我有叫爹哋介紹，佢想我喺內地拍吓劇吸收經驗同埋磨練演技。（怕唔怕會好似爹哋咁畀人話向內地獻媚？）唔會，依家好多藝人都會返內地工作搵錢，內地出嘅價錢好啲，咁都要開工食飯。（點解唔直接簽畀爹哋？）好多人都問我呢個問題，我唔想爹哋直接幫我，唔想感覺咁星二代，唔想出嚟工作都係靠爹哋。」