藝人張兆輝（輝哥）及陳敏之昨日現身太子拍攝無綫新劇，輝哥被人妻敏之埋身「猛攻」強吻逾十秒，大為愕然的輝哥更被咀到「甩妝」！

敏之將輝哥逼埋牆角強吻，場面激烈！

瀟灑的敏之錫錫後即轉身走人，輝哥則雙腳發軟企唔穩！

張兆輝（輝哥）及陳敏之昨日為無綫劇集《性在有情》上演街頭激咀的場口。他們於鏡頭外爭取時間互對劇本，埋位後輝哥更被敏之猛力推向牆壁，埋身狂吻逾十秒！被強吻後輝哥一臉愕然，大晒精湛演技！

向仔女取「性」經

在劇中化身性社工的輝哥表示會幫助病人解決麻煩的性問題，又預告當中會鬧出連串笑料。問到有否遇上男性問題？他即說自己健康又正常。問到會否批准子女收看該敏感題材的劇集？他大方笑稱反被子女教授性知識：「我拍嘅作品佢哋都會睇。仔女喺書本學性教育，教番我添！（擔心敏感題材？）唔會，佢哋（性）知識多過我！」問到今次與人妻敏之在街頭激咀會否感尷尬？輝哥自爆與對方合作無間：「唔會，我同佢好合拍！」至於問到他會否擔心對方老公詐型時，二人即齊聲否定，輝哥力稱與敏之默契十足。而敏之即為輝哥「笠高帽」，她表示能向影帝級人馬獻吻，自覺榮幸又「犀利」！

冇時間「造人」

而飾演性治療師的敏之則自爆為了解角色，在講解性知識方面變得非常「熟手」。問到新婚不久的她會否學以致用？害羞的敏之暗指冇時間「造人」：「未有時間用呀！睇吓拍劇後會點，（教老公性知識？）向佢灌輸啲！」