歌手謝偉倫以Rock友身份勇闖樂壇，深明歌手路難行的他憑着不認命精神，堅持創作好歌曲，並相信只要是佳 作，必定有知音人，他說：「唔會冇人聽Rock歌！」

Alan在簽唱會上自彈自唱多首歌曲。

親切的Alan與粉絲大玩自拍！

大批粉絲到場支持Alan。

男歌手謝偉倫（Alan）前晚於旺角唱片舖舉行新碟《醒覺》簽唱會，並即場獻唱多首歌曲，吸引數十歌迷捧場。

「我唔信命」

於街頭賣唱時被現時的經理人發掘，並正式簽約成為歌手的Alan說：「以前靠網上通知人嚟支持，落雨都照唱，因為應承咗觀眾，同埋多謝佢哋嘅支持，依家唔使喺露天唱歌。」首次舉行簽唱會的他坦言很感動：「見到以前嘅觀眾有嚟。」又透露爸爸當年也是Band友，更大讚他是浪子，而自己性格激似爸爸，Alan說：「我份人唔信命，點都會有辦法，唔會冇人聽Rock歌。」

望與兄弟出騷

Alan當年以組Band形式在街頭表演，但因為擔心拖垮隊友的前途，故以個人姿態入行，他大讚昔日隊友有潛質：「做音樂有好多擔心，我驚帶挈唔到佢哋。」並表示日後有機會可與兄弟齊齊出騷搵銀，不介意收入被分薄。