藝人陳浩民太太蔣麗莎（Lisa）日前在聖保祿醫院誕下細女Isabella，Lisa昨午精神奕奕地在老公陪同下帶Isabella出院。昨日天氣稍冷兼涼風陣陣，浩民陪太太出院時負責提着安睡在籃中的囡囡，盡顯慈父本色，急急腳將愛女送往車廂以防冷親。

陳浩民接太太蔣麗莎及初生囡囡出院。

再做老竇的浩民讚細女乖巧，他說：「最緊要係健康。（Isabella係子女中最重？）都唔係，阿仔重啲，不過計（身）長就係佢最長。（三個夠未？）夠喇！不過如果有嘅都歡迎！」他續表示最近工作忙碌，故昨天接妻女出院後，隨即返內地拍劇，惟有寄望聖誕或新年前可以返港與家人慶祝。問到太太可會生氣？他笑說：「佢明白事理嘅，都第三個啦，所以要努力啲賺奶粉錢。」他又表示暫時不會將工作重心轉返香港。