無綫藝員馬賽最近受到網絡欺凌，遭聲稱持有其露骨性愛對話要挾她退出娛樂圈，馬賽報警求助並交律師處理。至昨日她到將軍澳電視城拍攝新劇《東坡家事》，她指報警後微博已沒再受騷擾，滋擾她的虛假帳號亦突然消失，現時心情已好得多，開工進度也正常：「今年經歷好多事，自己都比以前堅強，學識處理後要放下。」

馬賽重返劇組，並與歐陽震華合作。

受訪期間馬賽遇到歐陽震華（Bobby），即向對方打招呼：「阿哥！」Bobby即笑說：「幫我好好照顧佢，有咩就搵我。」馬賽即感激Bobby的鼓勵與安慰：「開工時佢有安慰我，叫我有咩記得搵佢幫手，返到嚟公司好多同事都鼓勵我，好溫暖。自己第一套劇係同Bobby拍，做佢細妹，所以一路叫佢做阿哥。」