影星劉嘉玲、劉青雲與郭藹明夫婦、黃浩然及內地女星黃奕等昨晚在港出席活動，身穿綠色高衩旗袍的嘉玲明艷照人，她透露老公梁朝偉出國滑雪，自己則留港工作：「下個月有劇開，要排練，聖誕會喺香港，同朋友開Party互相送禮物。（王菲再嚟香港？）唔會喇！怕咗你哋！（我哋真心祝福佢！）咁我將呢份祝福轉達畀佢聽啦！」

郭藹明、劉青雲

於劇中奸到出汁的黃浩然，官仔骨骨現身。

劉嘉玲晒腿示人，輕易成為焦點。

早前受婚變困擾的黃奕拍照後便匆匆入場，不接受訪問。

青雲則表示怕人多，聖誕不會到處去，問到會否送禮物給太太？他笑說：「中國人唔送禮物，畀利是啦！（煮聖誕大餐？）火雞？好似白切雞好食啲！Chinese啲！」問青雲有否下廚冧老婆？郭藹明即指他曾煮即食麵及牛扒。