信佛的容祖兒前晚在慈善音樂會上獻唱《心經》，原來她曾秘密出佛碟，但自認道行未夠深，亦未有意欲再出。她又幫手宣傳好姊妹蔡卓妍（阿Sa）的新戲，更大爆阿Sa曾因拍攝而抑鬱！

穿素色衣裙的祖兒小露雪背，性感得來又不失莊嚴。

祖兒（右）與吳綺莉同台交流。

信佛的祖兒（左）與齊豫合十祈福。

容祖兒前晚出席佛教慈善音樂會，負責演唱《心經》的她一身素色打扮，不過上衣卻是露背設計，她解釋：「今日揀嘅色都比較樸素，前面密實，但後面顧唔到咁多，同埋要符合場合莊嚴，都幾難揀。不過好少肉，唔過分。」與母親一向信佛的祖兒自爆曾抄寫佛經，更出過佛碟：「其實我好多年前唱過《心經》，出過碟，不過冇乜人知。」問到可會再出佛碟？她稱沒有刻意安排：「我道行唔夠Cally（鄺美雲）咁深，加上都冇去研習，要睇吓緣分去到邊再決定。」

性感唔使問師兄

談到好友阿Sa新戲《雛妓》海報幾近全裸的造型大膽，祖兒即幫手宣傳：「我都覺好震撼，好期待，聽講佢全裸，佢都話希望大家唔好抱色情態度去睇，套戲有深遠意義。」她更大爆阿Sa拍攝期間很辛苦，以致影響情緒：「佢心情好低落，有少少抑鬱徵狀，嗰陣都約佢食飯去玩，但依家冇事喇！」問到若她拍全裸戲，會否向男友劉浩龍（師兄）申報？她說：「藝人比較被動，係等機會，有好嘅機會要爭取，唔使交代。」

吳雨撐《勁歌》有星到

英皇高層吳雨昨日出席另一活動時否認英皇歌手缺席無綫的《勁歌頒獎禮》：「傳啫！邊有呢啲嘢？唔去都要有理由，英皇一直好支持頒獎禮。」問會否想祖兒冧莊「最受歡迎女歌星」？他說：「希望，冇話睇唔睇好，因為係公投。」有傳太陽娛樂文化和環球旗下歌手統統缺席《勁歌》，吳雨說：「唔知，個個唔去咪好凋零？如果要為利益先去就唔好，有冇獎都應該支持。」