佘詩曼連掃「最佳女主角」及「最受歡迎電視女角色」，主演的《使徒行者》亦奪5獎成為大贏家，有傳無綫邀請曾與她傳緋聞的張智霖（Chilam）頒視后獎，但Chilam不欲擺緋聞上枱而推卻，最終改頒發視帝。Chilam昨日受訪時否認，指即使安排頒視后獎也沒問題。

阿佘風騷慶祝攞視后，一度感動得眼泛淚光，梁靖琪和湯盈盈等一班好姊妹驚現錄影廠。

有傳無綫一度安排Chilam頒獎給阿佘，他因不欲緋聞擺上枱，最終改頒獎給視帝。

陳敏之開香檳慶祝《使徒行者》奪最佳劇集。

而阿佘前晚頒獎禮後受訪，談及一班好姊妹包括周家蔚、湯盈盈及媽咪等突擊錄影廠送驚喜，阿佘坦言感動到喊：「唔知佢哋會嚟，一見到就爆喊！連我媽咪都好好戲，原本話嚟又唔嚟，原來係個驚喜！（做咗五料視后喎！）我依家仲喺夢入面未醒，除咗自己個名外，咩都聽唔到，要回一回魂先。（今晚瞓唔瞓得着？）一定笑住瞓，終於可以放鬆心情。（點獎勵自己？）仲獎？我已經好多個獎喇！我今晚要攬住佢欣賞吓先。」

凌晨一時許，阿佘離開電視城，獲30多名粉絲開香檳慶祝，令她感動得眼泛淚光！至於《使》劇監製文偉鴻笑指對賽果喜出望外，雖然阿峯未能奪視帝，但對方早已是其心中視帝水平，更指正積極研究為劇集添食，同劇的陳敏之亦望原班人馬合作。