又到年底派成績表的時間，樂壇天后容祖兒今年成績彪炳，前晚出席頒獎禮時連擸兩大獎。同場的鍾欣潼（阿嬌）則與「過氣情敵」、韓國組合少女時代前成員Jessica同場不相見，Jessica更聞「嬌」色變，撥頭髮遮尷尬。

Jessica心情大靚，風騷飛吻。

阿嬌呢頭幫阿Sa解圍，轉頭自己亦被追問「情敵」同場的問題。

祖兒連擸兩獎，恭喜恭喜！寧一

性感現身的阿Sa，拒代男友陳偉霆上台領獎。

周柏豪直言有獎攞一定開心。

官恩娜打扮靚靚赴會，有獎落袋。

頒獎禮前晚於會展舉行，阿嬌與好拍檔蔡卓妍（阿Sa）孖公仔現身，卻與「過氣情敵」Jessica同場。曾與韓男權寧一（K先生）相戀的阿嬌，當時盛傳因Jessica介入而成為分手導火線，早前更有傳Jessica與K先生愛得癡纏並即將結婚，故女方才退出少女時代。於頒獎禮上，阿嬌與Jessica分別奪得「人氣票后」獎和「亞洲年度熱搜韓國女藝人」獎，但同場卻不相見。阿嬌被問到K先生的女友Jessica也在場時？她即說：「真係唔知！（見到會尷尬？）都見唔到！」她還自爆分手後已沒再與K先生聯絡，提到現時的感情生活，她只嘆謂：「問個天！」事隔一小時之後，身穿露背短裙的Jessica才風騷現身受訪，她大晒普通話說：「我愛你們！」受訪時亦有問必答，但當提到阿嬌的名字，Jessica即聞「嬌」色變，立即撥頭髮來迴避問題。

等師兄買樓

至於在台上Hot爆擸獎的祖兒，今年繼續愈唱愈強，連續9年奪得「本地女歌手」獎之餘，同時擸埋「人氣演唱會2014」獎。問到會否出席其他音樂頒獎禮，她重申不會刻意缺席：「內心係好支持，冇工作嘅話一定支持！」對於有傳「鋒菲」合資1.4億元在港築愛巢，身為圈中富婆的祖兒被問會否跟風，與男友劉浩龍買樓同居？她謙虛地說：「暫時冇咁多錢！（應該由男方買？）係囉！」

至於「男神」周柏豪再奪「本地男歌手」獎，歌曲《傳聞》亦奪得「十大歌曲」之一，成為男歌手大贏家。對有傳今年會橫掃各大頒獎禮的男歌手獎，他認為只是傳聞：「有獎當然開心，但亦有壓力，想Keep住走勢，好似股票咁，要長揸唔好放！」

第一手消息請下載on.cc東網iPhone/iPad/Android/Windows Phone Apps