武打演員劉家輝三年前因中風導致半身癱瘓，目前在療養當中，惟養病期間卻是非不斷，有指他與第二任泰籍妻子馬飛鳳及一對子女冼峻龍、冼詠珊因財決裂。其子冼峻龍日前收到由劉家輝委託之律師發出的律師信，要求正居於劉家輝中環堅道物業的他遷出，而冼峻龍與母日前接受專訪回應，他說：「若果係爸爸意願，我一定會遵從，但只有一個要求，係見爸爸一面，我同妹妹等咗兩年幾都係想見一見爸爸，之前已經透過律師要求，但一直見唔到，依家佢哋叫我搬走，我都會去澳洲發展，走之前想見爸爸一面。」其母馬飛鳳則說：「父親同仔女嘅親情好重要，點解搞成咁？對仔女好掛住老竇。」

劉家輝第二任太太馬飛鳳（中）與兒子冼峻龍（左）受訪，旁為女兒冼詠珊。

劉家輝

至於她與劉家輝的婚姻，定居泰國的馬飛鳳透露：「其實十幾年前我哋婚姻出現咗問題，當時為咗對仔女冇離婚，啲仔女大咗，我哋決定離婚，但又因為好多原因未搞得成，兩年幾前我返香港冇離婚，係因為想保護對仔女，想對仔女見到爸爸，但依家都冇用，所以今次返嚟香港都搵緊律師搞離婚。」