葉翠翠與黃智賢昨日宣傳明珠台節目《24：生死存亡》，翠翠坦言聖誕已有約：「聖誕同朋友食飯。（男友？）係『了解中嘅朋友』，即係之前被傳媒喺機場見到嗰位男士，我以前就會好急住想結婚，但依家會了解一個人耐啲先做決定。如果只係想搵人陪，可以好容易就搵到，但呢行易吸引花心男，我以前都遇過，唔想再係咁，所以睇定啲先。」

葉翠翠與黃智賢同心協力宣傳新劇。

有份角逐視帝的黃智賢說：「我有信心！但個劇始終係年頭播，按以往慣例嚟講都係輸蝕啲！（拉票補救？）我會謝票，多謝番有投我票嘅觀眾，多謝佢哋仲記得雍正呢個角色。（拍新劇《殭》？）好似有調動，因為《殭》個期1月Hold到5月，但公司3月有個時裝愛情劇，我好想拍，分身不暇。」