陳豪、田蕊妮與胡定欣等昨日在將軍澳電視城為新劇《鬼同你OT》開鏡拜神。阿田表示拍攝時搞笑的陳豪令她不停NG：「我通常係第一個忍唔到笑，笑到停唔到勁NG。」她懷疑陳豪沖的咖啡能催笑：「飲完阿Mo啲咖啡我覺得自己嗰啲唔好飲，佢搞到我成日笑到NG，阻住收工，佢要包我一世咖啡。」她又稱爭「視后」沒有壓力。

幽默的陳豪拍劇時令阿田（左）與胡定欣笑到不停NG。

對於被指令阿田NG，陳豪說：「我唔覺得自己搞笑，其實唔關我事，係佢哋笑點太低。」談到阿田要他供應一世咖啡，陳豪說：「冇問題，咁我啲生意有着落，可以平啲賣畀佢。」他透露最近為兒子舉行一歲生日會，招呼了大班大小朋友慶祝。至於胡定欣也大讚陳豪很幽默，令她笑到標眼淚，要補妝補畫眼線：「真係笑到收唔到聲，係開心嘅NG。」