無綫行政主席梁乃鵬昨晚於晚宴上發言，透露公司雖然今年面對不少挑戰，但仍感謝同事齊心合力，他承認近期收視有下落迹象，卻有信心將來可再創高峰：「香港正踏入新媒體同數碼年代，好似佔中事件，同事都會透過手機睇資訊，所以將來網上平台好重要。」他坦言現時收看電視方式不同，曾見同事食飯時以手機睇劇集，故會視內地為目標：「好似《衝上雲霄Ⅱ》網上點擊率9億3千萬人次，《使徒行者》就有19億5千萬，呢個天文數字對香港700萬人嚟講完全唔可以想像，我哋對未來方向有信心做得到，只有TVB先有兩岸三地優勢。」

梁乃鵬與一眾藝員在台上顯示齊心迎接挑戰。