岑麗香昨日聯同冒險家李樂詩博士出席極地展覽館開幕禮。大晒長腿的香香正拍攝無綫飲食節目《明星愛廚房》，問到會否怕肥？她表示有擔心過：「同事都同我講小心拍到最後一集發現肥咗，佢哋叫我揀條最鍾意嘅Slim Cut褲每朝着吓，就會有意欲Keep Fit！」問到喜歡北極熊和企鵝的她會否想到極地探險？她坦言有機會都會去：「可能一生人得一次！我好鍾意好凍嘅地方，覺得一班人着好多衫一齊取暖好浪漫！」

香香和小朋友大玩遊戲，童心盡現。