角逐視后的鍾嘉欣昨日玩呼拉圈拉票，笑言想繼當年選華姐時玩呼拉圈贏獎後再次帶來好運，還預告以全透視裝示人，做足準備迎戰。

鍾嘉欣預告透視迎戰視后，今次露下玉臂先。

鍾嘉欣重拖故技催運，希望開齋贏視后。

Jocelyn（圖）與Rosemary谷胸上陣，正面交「峰」！

Rosemary

馬德鐘出動小提琴「拉」票。

與苟芸慧上台的洪天明自爆為細仔改名傷腦筋。

昨日一班《飛虎II》演員鍾嘉欣、馬德鐘、洪天明與苟芸慧等到油塘谷劇，並為15日舉行的台慶頒獎禮落力拉票。嘉欣表演呼拉圈時笑言希望藉此帶來好運：「當年選華姐都係玩呼拉圈贏到獎，想用呼拉圈為『鍾韋恩』（嘉欣角色名）箍個獎，頭先仲有Fans為我製作拉票宣傳單張，好Sweet！」她又透露已預備性感戰衣：「度身訂造套雅典娜女神Feel嘅全透視裝。（性感搶獎？）重要部位會遮咗！呢個角色係我入行以來最刺激嘅角色，佢似病人多過似臥底，係黐線o架！連啲朋友都話想像唔到我可以咁。」爭視帝的馬德鐘則以小提琴拉奏主題曲拉票，問到信心時，他說：「有！（邊個係最大對手？）冇！羅仲謙啦！佢都係《飛虎II》。（郭晉安呢？）佢攞過咁多！」

至於洪天明澄清老婆周家蔚的腹中BB未改名：「唔係外傳咁叫『大義』，仲諗緊！老竇（洪金寶）想叫『大達』，但第一個孫已經佢改，今次我想改番。之前諗咗批但都係女仔名，老竇叫我快啲追個女，扭蛋咩！」他又否認家蔚日前身體不適而取消活動：「冇人通知佢有記者，佢有濕疹擔心個樣，有啲激動，但佢都想同傳媒講聲唔好意思。」

短裙慘被「低炒」

此外，鍾嘉欣前晚出席活動時身穿連身短裙獻唱，卻被賓客「低炒」！她又否認所屬唱片公司將好歌盡給吳若希，嘉欣說：「公司都畀好多歌我！我都有睇陳慧琳話取消樂壇頒獎禮，佢咁講好Cute！」