黎耀祥到馬來西亞為代言飲品宣傳，之後又探訪當地老人院，不少公公、婆婆都高呼他於《名門暗戰》中的名字，當中更有婆婆以為穿白色衫的祥仔是醫生，場面搞笑。

祥仔到馬來西亞為代言果汁宣傳，進帳不少。

有婆婆把祥仔誤當醫生，場面搞笑。

祥仔現身令公公婆婆喜上眉梢。

工作人員爭住搵祥仔集郵，大受歡迎。

黎耀祥向來是廣告商的寵兒，他除了於馬來西亞代言食用油外，更是果汁品牌的代言人，今次續約第二年的祥仔笑言收「開心價」，而每支果汁上都有他的Chok樣做生招牌。

現時播映的無綫劇集《名門暗戰》亦在馬來西亞熱播中，難怪祥仔出席活動時，現場反應甚佳，他說：「其實廣告商度期都由上年五月度到依家，而且呢個品牌出年都會喺香港做推介，要好好支持。」

完成代言活動後，祥仔便到當地老人院探訪，一見到祥仔，不少公公、婆婆都直呼他於《名門暗戰》中的名字「老咪」，相當親切。

細心聽婆婆訴苦

期間，有位年紀較大要臥床的老婆婆由於眼、耳不清，見到穿白恤衫的祥仔時，以為他是醫生，祥仔亦「醫生」上身般細心聽婆婆講話，他笑說：「個婆婆捉住我隻手係咁講，話畀我聽邊度痛，但我講咩嘢，佢又唔係好聽到，我咪繼續做醫生聽佢講囉！」