蕭正楠前晚與女友從東京旅行返港，二人雖然前後腳出閘但仍大方接受訪問，翠如表示此行在當地食嘢多過買嘢，笑指自己不嬲都好大食！

翠如與蕭正楠外遊返港斷正，依然笑騎騎，睇嚟此行相當Happy！

翠如會合蕭正楠後，緊隨男友離去！

蕭正楠與女友翠如前後腳出閘，一個尷尬，一個猛笑。

黃翠如

蕭正楠與翠如坐車返歸。

翠如（左）與呂慧儀打扮靚靚出席活動。

藝人黃翠如與男友蕭正楠結束東京四天之旅返港，前晚近十一時，蕭正楠在機場先行步出閘口，他面露尷尬地說：「好耐冇放過假，今次主要為台慶頒獎禮挑選戰衣。」問到是否為與歌手吳若希的緋聞而向女友箍煲？他說：「唔係！係想放假啫！」

感情好從不鬧交

十五分鐘後，翠如獨自推着三件行李出閘，問到此行「爽唔爽」？她笑說：「講啲咁嘅嘢呀！（開心？）OK嘅！（男友箍煲？）呢個太搞笑，你唔講我都唔記得。」對於男友表示奪視帝便娶她，她笑說：「佢都冇提名視帝。（咁咪好傷心？）問埋啲咁嘅嘢。」

昨日翠如出席公開活動時，透露日本之旅是男友提出，直言去旅行永遠都覺得日子太短，問到是否買了很多東西？她說：「食嘢多啲，不停咁食，凌晨都好肚餓要去便利店再食，我不嬲都好大食。」她又表示不介意被指度蜜月和箍煲之旅，指與男友感情好，從來沒有嘈交。

同場的呂慧儀產後仍未收身，她表示已積極減磅，但擔心會令人更留意其上圍，並強調積極減肥，現時已可以穿生育前的褲子。聖誕將至，她有意一家三口到主樂園慶祝。