鄭中基與余思敏結婚三年，即將迎接第二名小朋友來臨，鄭中基昨午陪懷胎六個多月的老婆到中環做產檢，余思敏全程翹實老公，等車時更將下巴挨老公膊頭撒嬌，大晒幸福！

腹大便便的余思敏翹住老公唔放，當眾發放閃光彈。

等車期間，余思敏將下巴挨在老公膊頭上撒嬌。

發現記者時，余思敏即時手指指。

鄭中基（Ronald）2011年與主播余思敏奉女成婚，自女兒Emma出生後，Ronald即被融化，一改以往爛玩性格，經常慈父上身黐實妻女享家庭樂！今年九月他率先在社交網站報喜：「Emma有弟弟陪佢玩喇！」難掩即將再為人父的喜悅。

翹住唔放晒愛

余思敏目前已懷胎六個多月，Ronald不時抽空照顧妻女，昨日五時左右，留鬚兼戴眼鏡的他陪太太到中環進行產檢，檢查過後，他倆步出商業大廈，站在路邊等候司機接載。穿上粉紅色外套的余思敏雖然腹大便便，但依然面尖尖兼手腳纖幼！只見她嬌嗲地翹實老公，未知是否等得久，她索性將下巴枕在老公膊頭上撒嬌，Ronald見狀即時取出電話聯絡司機，然後拖實老婆走到較前位置，照顧太太登車回家。

搬屋與千嬅無關

另外，有指余思敏為晒命故意搬到Ronald前緋聞女友楊千嬅入住的屋苑，令Ronald愁爆，對此鄭中基電影行政總監田雞說：「嗰日鄭中基同編劇研究劇本，冇愁，愁乜嘢呀！至於搬屋係因為有小朋友要出世，本身住緊淺水灣嗰度要裝修，暫住啫，已經搬返去，唔好自編自寫！話晒大肚婆，仲牽涉兩個家庭，無啦啦拉埋人哋個家庭嚟講更加唔好啦！」