蘇永康婚宴星光熠熠，卡士勁過各大頒獎禮，大部分攜眷出席，包括楊千嬅夫婦、任賢齊與女友、呂良偉夫婦及方力申與女友鄧麗欣等，獨自現身則有謝霆鋒、張學友及吳君如等。已有兩女的學友被問會否傳授「生仔秘方」？他笑說：「我麻麻咋喎！生手咗咁耐，搵啲熟手啲嚟教。（賓客勁過頒獎禮？）頒獎禮有派系，喜事冇派系！」而小齊笑言有意送生仔補品給新郎：「我自己公司喺台灣投資一種水魚精（生仔補品），我試過好到不得了。（追多個？）我夠啦！留番畀蘇永康。」

任賢齊與女友

祖兒再接花球，笑言怕有效果會嫁唔出。

容祖兒（左）

吳君如及邱淑貞夫婦

方力申與鄧麗欣

楊千嬅夫婦

學友自認「生手咗」，不會傳授生仔秘技。

霆鋒獨自撐場，不想搶主人家鏡。

至於屢傳好事近的方力申與鄧麗欣再被問婚期，當女友稱想在歐洲舉行時，他即搞鬼說：「我諗住鴨脷洲！」與男友劉浩龍感情穩定的祖兒則坦言未有結婚衝動：「見到今日呢個場面好複雜，見到一對新人由朝到晚忙到踢晒腳，想感受吓呢啲歡樂多過自己搞。」祖兒台上再接花球，笑問會否有反效果嫁唔出，蘇永康即說：「我老婆做咁多次姊妹都冇事，放心！」