拍戲經常與靚女合作的羅仲謙，入行前曾做救生員，對於「美」這個字可謂瞭如指掌，眼光獨到！早前他獲邀為22輯《東網Baby》靚相擔任評審，選出「至美」8強，經過一番細心挑選，他認為Alice B.的「掩胸相」藝術味濃，樣貌具個性及新鮮感，成為《東網Baby》之冠！

No.1
引人入勝
Alice B.酥胸半掩，「峰」芒乍現。

No.2
水着女神
身穿比堅尼的Rosemary放開胸懷，怎不叫人暈得一陣陣？

No.3
線動群臣
金愛妍輕托比堅尼帶，力谷心形胸。

No.4
春光無限
鄺芷凡以手擋陽光，但難掩無限春光。

No.5
嬌俏麗人
Annie G.戴上黑超準備同陽光玩遊戲，你Ready未？

羅仲謙

曾做救生員的羅仲謙閱女無數，要揀最靚Baby So Easy！

由推出至今反應熱烈的《東網Baby》，阿謙坦言閒時也會Click入網站瀏覽，早前他應《東網》邀請擔任評審，一切從美感角度出發來評分的他，在22輯靚相中選出5強吸睛度十足的《東網Baby》，分別是「第四代Canon女」Alice B.、「中法名模」Rosemary、「韓籍女模」金愛妍、「翻版楊采妮」鄺芷凡（Omi）及Annie G.。

要「裸」得來又帶點藝術感，阿謙認為模特兒及攝影師應記一功，因要在表情上好好控制，稍有差池亦會變成另一回事，但Alice B.的半裸掩胸照配上一副酷樣，令相片增添藝術氣質，阿謙說：「Alice B.係芸芸女仔當中比較有個性，好適合做唔同品牌嘅Model，即使平面同行天橋都得，重點係佢Mix得嚟又有少少亞洲面孔，身形高挑又上鏡，仲有啲外國名模Feel，夠晒大體！（比Rosemary優勝喺邊？）娛樂圈都係鍾意新鮮感，Rosemary都出道一段時間，Alice B.就會畀人哋多啲空間去發掘！」

Rosemary成熟美

而15歲便出道的Rosemary在模特兒界可算是資深Model，惟阿謙對她情有獨鍾，他說：「一睇落去就睇得出Rosemary經驗豐富，無論姿態同表情都係，對鏡頭敏感度十足，但咁就發揮咗唔係少女嗰樣嘢，而係成熟美，所以我畀佢亞軍！」

金愛妍進佔三甲

至於金愛妍，阿謙笑言近年韓風席捲全亞洲，故他也「食住個勢」揀番個韓國代表：「其實佢個樣都幾Cute，比起其他女仔好唔同，身形都OK，又夠高，係好傳統嘅韓國女仔，亦帶有一點亞洲性感美。」他又盛讚「翻版楊采妮」鄺芷凡（Omi）及Annie G.擁有健康美，後者更是笑容燦爛。

游泳健將 迷倒女生

對水有情義結的阿謙，從小喜歡游泳，當年中學畢業後便與幾位志同道合的朋友報讀拯溺銅章課程，其後順利在私人屋苑當救生員，經過一段時間，阿謙考獲泳池救生章，憑其俊朗外表，加上健碩身形，在泳池迷倒不少女生，輕易成為風頭躉，惟後來他認為救生員不可做一世，故毅然報考消防員，但最終卻被電影公司發掘，繼而晉身影圈成為演員！