周柏豪、劉心悠、莊思敏、何佩瑜及許雅婷（Kabby）昨日到葵芳宣傳新片《小姐誘心》。遲到逾半粒鐘的柏豪活動後為「遲到」找理由，他說：「我Call Time（通告時間）唔同佢哋，（你Call Time幾點？）兩點半，（有冇遲？）遲咗。」語畢，以Chok樣代Sorry，隨即轉話題說：「以前未入行，已經儲心悠啲相。（如果冇女友會追求？）我同佢鍾意嘅嘢好相反，唔諗追唔追，總之係我兄弟！」而以露背裝上陣的心悠說：「角色講我係鏢后，掟中兩次紅心。（掟一百次中兩次？）差唔多，好有滿足感，可能會繼續玩！」

遲大到的柏豪全程Chok住樣，一味講心悠。

前晚柏豪與模特兒鍾浠文出席另一活動時表示，經常留意對方的自拍照，大讚拍得超美：「有時見到其他朋友嘅自拍相會想嘔，但佢啲相真係靚，唔畀Like唔得，連我媽咪都讚好似仙女咁靚。」而鍾浠文自爆會偷影柏豪，但指對方「周身郁，冇時停」，故很難捕捉。