謝霆鋒跟王菲世紀復合，謝家上下亦歡喜萬分，霆鋒妹妹謝婷婷打算送上刻有二人名字的手鈪給「阿嫂」：又指希望有機會在聖誕跟她吃飯度佳節！　

婷婷以Deep V裙上陣，性感又迷人！

與Sean分手的婷婷否認公主病嚇走男友。

李桂蘭力撐婷婷沒有對她黑面，又讚她很Nice。

謝婷婷昨日以紅色Deep V裙出席活動，近日頻頻性感示人的她，被問到是否跟男友戴尚安（Sean）分手後大解放？她說：「唔係，不過出席首飾活動，想有多啲空間Show到啲首飾，我都打算喺度揀番件首飾送畀媽咪同阿菲，因為佢哋嘅手鈪可以刻名，幾有心思。（送畀阿菲刻咩名？）未諗到，或者刻佢哋兩個人嘅名。（刻『阿嫂』？）都好喎，不過驚嚇死佢，其實我覺得佢個名好靚。（聖誕約咗阿菲見面？）未知，但我唔會出埠。（佢嚟香港？）係就好喇，我仲未見過佢呀！」

剛宣布跟名媛李桂蘭兒子Sean分手的她被指有公主病，婷婷否認其事：「我獨立長大，唔會有公主病。之前同Sean討論過點樣公布分手，佢仲話不如開記者會，但我覺得唔使啩，最後決定喺網上講。（話你對Sean媽咪黑面？）我同阿哥不嬲對長輩都有禮貌，我哋關係好好！」談到舊愛安志杰跟「警鐘模」Jessica C.打得火熱？婷婷表示衷心替二人開心，對於有指女方為免二人翻撻而共賦同居？她笑說：「唔會啦，可能佢唔係咁諗。（同安志杰仲有冇聯絡？）間唔中傾吓寵物。」

李桂蘭讚細心

至於李桂蘭昨日出席另一活動時，亦否認婷婷對她黑面，並大讚婷婷是個很Nice和細心的女孩。