樂基兒昨日與徐子珊現身聖誕揭幕禮，兩位黎明「舊情人」表示於後台有講有笑，剛宣布失戀的樂基兒仍然發福，還出現凸腩情況，被低胸露背上陣的子珊搶去不少「峰」頭。

凸腩的樂基兒被晒美背的子珊（圖）搶晒鏡。

樂基兒

Gaile（右）和子珊齊齊獻吻，聖誕老人冧晒喇！

黎明前妻樂基兒（Gaile）與曾跟黎明傳緋聞的徐子珊昨日齊齊亮相聖誕揭幕禮，回復單身的Gaile以黑色貼身、背部透視短裙現身，惟身形發福不少兼凸腩！而子珊則穿粉紅色低胸長裙，旁邊透視露纖腰，輕易揮低前天王嫂。

暑假先減肥

雖然被指發福，但Gaile未有介懷，笑指沒有積極減肥：「就嚟聖誕節同新年會食嘢，所以過埋先啦！（之後都有好多節日！）咁到暑假後先喇！哈哈！」即將返美國度聖誕的她，透露屆時與家人煮大餐慶祝，問到今年是否過孤獨聖誕？Gaile說：「我唔覺得係，反而好充實，其實咁耐以嚟都未試過，因為拍拖之外都可以同家人、同事食飯，所以唔會驚。」談到與子珊同場，Gaile坦言以往已多次與她一同工作，更指於後台也有傾談近況。

自嫌唔夠Sweet

打扮比Gaile更性感的子珊透露，原定揀選一襲黑色晚裝裙亮相，但最終換了這條切合節日氣氛的粉色裙，談到Gaile被指胖了不少，子珊即力撐對方：「佢依然好Sweet，我點都唔及佢，笑起上嚟個酒窩好甜，頭先喺後台都有傾偈。（傾感情？）咁深入就冇。（佢知唔知你同黎明傳過緋聞？）咁耐之前大家都知，都係緋聞啫！」她更透露計劃聖誕節到台灣探望兩個姨娚女。