【車綺敏澳門直擊】楊千嬅與老公丁子高昨晚在澳門出席慈善晚宴，即場耍花槍，丁子高爆太太為個唱積極減肥，瘦得可被風吹起，又表示想去只是睡覺的地方旅行造人，千嬅即笑指老公「厚多士」。

老公丁子高心急造人，千嬅都唔知好嬲定好笑！

太陽娛樂文化老闆周焯華感謝千嬅出席。

丁子高（右）與黃柏高型格出席晚宴。

楊千嬅與老公丁子高偕同黃柏高等昨晚齊齊前往澳門，出席太陽城集團高爾夫球會一周年慈善晚宴，太陽娛樂文化老闆周焯華亦有出席。丁子高與千嬅前後腳到場，丁子高曾表示老婆因搞個唱Keep Fit，瘦到可被風吹起而捱罵，他解釋不是彈她，而是出於擔心。他又透露計劃於千嬅個唱後一起外遊休息，問到目的地，他說：「可以瞓覺嘅地方。（努力造人？）大家都好努力，（囝囝想要細佬妹？）我有問過佢，佢未識呢樣嘢，但我攬住佢媽咪都會識呷醋，會去啲較高嘅位置，做危險動作令我哋去抱佢。」

笑老公「厚多士」

而千嬅則解釋Keep Fit是為努力練氣：「其實係做好多Training嘅，不過夫妻之道係要互相尊重，佢一下子推到我上高峰，我即刻唔敢食嘢。（瘦咗幾磅？）其實係有目標嘅，所以佢今次真係好多事，食咗『厚多士』。」她又表示為慈善晚宴帶來一些小禮物，希望可籌得更多錢：「帶咗幾支限量版香檳過嚟拍賣，仲有刻埋我名。」而丁子高提議個唱後一起到只是睡覺的地方旅遊？她即愕然地說：「我啋過佢呀！佢諗住點呀！畀佢吹脹。」她強調「造人」要順其自然。