無綫節目《學是學非》昨日在將軍澳電視城舉行記者會，黃心穎、李佳芯、梁嘉琪及麥美恩等節目主持，歡迎張秀文及湯洛雯加入。不過張秀文一開工即出師不利「拗柴」，她說：「拍跳起鏡頭時拗柴，可能真係年紀大機器壞！」

古裝上陣的黃心穎熱烈歡迎新主持加盟。

除送上蛋糕預祝李佳芯生日外，一眾主持更主動獻吻賀壽星女。

湯洛雯練定花式單車

而湯洛雯最近忙於中港兩邊工作，她所參與的內地節目《我不是明星》已鬥到尾聲，她準備表演花式單車騷Quali：「依家第七集，第九集就決賽，自己都冇諗過可以參與咁耐，節目表演排練時間緊迫，都好大壓力，一路靠毅力堅持落去，嚟緊想表演花式單車。」

另外，眾人送上蛋糕預祝李佳芯32歲生日，自言單身的李佳芯被問到是否恨拍拖？她笑說：「依家唔諗感情事，唔想嘥時間，簽咗無綫就預咗賣身，工作為先！」

在《名門暗戰》扮演壞女人出位的李佳芯，出街更被觀眾大讚演技出色：「都做好多呢類衰格角色，本來都驚影響形象，但係《名門暗戰》出街後，出街觀眾都話我做得好衰，但又讚我做得好，依家呢啲衰角色發揮空間都好大。」