《TVB馬來西亞星光薈萃頒獎典禮2014》出爐視帝、視后郭晉安及佘詩曼凱旋回港，問到安仔與「雙料視后」阿佘，對下月15日舉行的無綫頒獎禮有否信心，他們皆謙稱要靠觀眾投票。

視后阿佘獲粉絲送花，非常開心！

安仔希望觀眾踴躍投票，令他再奪TVB視帝。

前後腳出閘的楊怡（圖）和謙仔，有默契表示以工作為先，暫未有婚期。

羅仲謙

全城矚目的《TVB馬來西亞星光薈萃頒獎典禮2014》（前名：Astro我的最愛頒獎典禮）前晚圓滿結束，佘詩曼憑《使徒行者》「釘姐」一角，繼上月在新加坡《星和無綫電視大獎2014》後再次封后，她昨日與視帝郭晉安，楊怡、羅仲謙、陳敏之、胡定欣，李詩韻和鄭俊弘等凱旋回港。

預告性感爭獎

出爐視后阿佘獲Fans接機及送花，她說：「最開心《使徒行者》做咗大贏家，我諗監製最開心！（有信心攞埋TVB視后，做三料視后？）唔知，希望觀眾繼續投我票。（尋晚啲衫唔夠楊怡性感？）TVB頒獎禮我着靚啲，（晒事業線？）冇刻意，靚就OK！」

安仔則說：「宣布前楊怡同我講：『大佬，部攝錄機唔係對住你，陣間執生！』我個心沉一沉。（有信心攞埋TVB視帝？）每個頒獎禮賽制唔同，信心一半一半，希望觀眾投我票。」

謙仔大讚楊怡靚

楊怡與羅仲謙昨午同機抵港，但分開出閘，對於失落視后，楊怡說：「冇唔開心，志在參與。（傳羅仲謙向你求婚？）多謝關心，結婚要父母批准，總有呢日，但唔係依家。」謙仔則說：「工作為先。（效法蕭正楠做視帝至求婚？）我有提名已經好開心。（楊怡套性感衫要你檢查？）佢真係好靚，唔使喇。」

獲頒「最喜愛TVB飛躍進步女藝員」的高海寧表示曾提自己不可以喊，但始終忍不住，沈震軒則指她選港姐時，是由他帶出場，現雙雙獲獎，分外鼓舞。