無綫藝員洪永城（Tony）日前於將軍澳電視城拍攝無綫劇集《張保仔》，雖然Tony穿上一身海盜裝，但仍難掩調皮感覺，連受訪時亦鬼馬對答，問到首次當男主角有何感覺？他笑說：「男咩主角吖，戲份多咗啫。（特別忙？）係呀，都好耐冇放過假，不見天日，依家見番啲陽光感覺特別好。」

Tony扮演海盜，調皮又有型。

不過Tony坦言慶幸是飾演海盜而非宮廷中人，演海盜好玩又有趣之餘，又大讚同劇飾演貝勒爺的陳展鵬厲害：「我哋做海盜輕鬆好多，我見到佢哋啲對白又長又難背，好辛苦。（劇集封面海報站在展鵬後面呷醋？）哦，梗係冇緊要啦，最緊要張海報影得靚！」