影壇新人楊建平來港與王宗堯及張建聲等合作新片，更與同片前輩徐錦江惺惺相惜。身為冠軍級拳王的他早前獲電影公司老闆蕭定一睇中，成功簽約轉戰藝壇，準備打出另一片天。

楊建平（右）與徐錦江在新片中合作，戲外更相約去習武。

楊建平在空檔時間歎茶餐廳美食。

作為拳王的楊建平在戲中大晒肌肉。

楊建平將在新片中作處男演出，年僅26歲的他曾在武術界打滾12年，擁有世界自由搏擊錦標賽65公斤級冠軍及綜合格鬥（MMA）65公斤級金腰帶的彪炳戰績，最近更獲選為中國十大拳王之首。今次有機會來港參演新片，他表示特別感謝兩位同公司的「師兄」王宗堯及張建聲的安慰與提點，對初戰影壇的他提供了不少幫助。

徐錦江讚不絕口

而他更在片場上巧遇一位超級粉絲，竟是身形魁梧的徐錦江！徐錦江透露經常留意楊建平比賽：「嗰日我入到片場，見到一個好熟識嘅身形，點解佢會喺度嘅？佢係我偶像，好犀利。我好鍾意睇佢格鬥，嗰種比賽充滿表演性，好完美，佢動作同埋身形好好，可以同佢合作幾開心。」得悉楊建平轉戰娛圈，徐錦江即豎起拇指大讚：「佢拍動作戲一定一流，身形好，身手敏捷，好多好嘅條件集於一身。」二人惺惺相惜，更相約回到北京後一同習武。另外，在拍攝空檔期間，楊建平四出遊覽香港，把握機會品嘗冰室奶茶及炒蛋多士等港式地道美食。