新人謝偉倫（Alan）近日頻頻孖住師妹陳綺雯（Aki）出席活動，日前便與羅孝勇組成「嬲」字到尖沙咀街頭「快閃」唱。Alan被取笑與Aki日久生情，剛甩拖的Aki即派檸檬說：「唔使喇！」

甩拖Aki斷言唔吼謝偉倫，搞到他尷尬到暈。

陳綺雯（Aki）

羅孝勇指女友有事未能現身撐場。

謝偉倫與Aki玩快閃唱歌，但仍吸引不少粉絲撐場。

謝偉倫與Aki及羅孝勇街頭宣傳，變咗個「嬲」字！

新進歌手謝偉倫（Alan）與師妹Aki及羅孝勇等Neway歌手日前在尖沙咀出席《追夢者Music Live 2014》宣傳，眾人大玩「快唱」，三人合共獻唱五首歌，吸引數十名途人駐足觀看。經常在街頭獻唱的Alan自言「快閃」最有經驗：「成日都要走佬，所以收嘢速度好快！」而首次「快閃」唱歌的羅孝勇則指以往曾在澳洲街頭長期獻唱：「好少畀人趕！」

至於Aki大方透露已與男友分手：「已經分咗手一段時間，依家唔想亂拍拖，想搵到個啱先開始。」由於Alan近月不時與她出席活動，記者取笑兩人可以組情侶檔，Aki即厭棄說：「唔使喇！冇呢個機會。」搞到身旁的Alan極度尷尬，並以「大家都係新人要努力工作」打圓場。

感謝公司斥巨資宣傳

而羅孝勇透露女友是半個圈中人：「佢識彈琴，好多時大家一齊喺屋企Jam歌。（點解唔嚟打氣？）佢因為屋企有啲事飛咗返西雅圖。」獲公司斥巨資在電視大賣廣告的Alan笑說：「多謝經理人，真係想錫啖佢，佢擺咗好多心機喺我身上。」