樂壇新組合Faith最近自爆獲接洽拍攝台灣電影，有望在大銀幕出現，隊長Hiu Young自言想挑戰唱歌以外的工作，如拍戲及做主持，有機會一定試。提到早前推出新MV《I fall in love》，講述宅男單戀的故事，身為隊中領舞的成員Wave指新歌舞步有難度：「有好多腳嘅動作要記，但我哋要返工返學，所以好辛苦。」問到現時有否拍拖？Faith三子即耍手擰頭，年紀最小的Sky說：「後生仔想拍拖都好正常，但依家太忙，冇時間諗呢啲！現時最重要嘅始終係學業，其次就係工作，希望做好呢兩樣嘢先諗啦！」今年雖趕不及推出大碟而未能角逐各大頒獎禮，三子預期新碟最快明年初面世，信心十足叫粉絲拭目以待。

Faith自爆學業工作兩頭忙，冇時間識女仔拍拖。