電影《少林足球》中有金句︰「做人如果冇夢想，同條鹹魚有咩分別！」平原習作成員黃浩琳（Lillan）從小熱愛音樂，既熱血又勇於追夢的她拒絕做一條鹹魚，出道兩年來爭取演出機會，Lillan最深刻一次是在深圳《草莓音樂節》獻唱，更與台灣歌手盧廣仲同台演出！擁有音樂夢的她細說投身樂壇後毋忘初衷：「由細到大都好鍾意Avril Lavigne，自己都有作歌，覺得人嘅力量好細，就嘗試去寫歌作曲，將想法寫成歌詞。」Lillan感謝雙親支持她追夢，做個有理想的人：「細細個爹哋媽咪買咗個玩具琴畀我，大咗知我真係鍾意音樂就畀我去學琴，大學仲可以去讀音樂，好慶幸父母畀我去揀想做嘅事。」

黃浩琳感激父母支持追Sing夢，希望藉作曲表達心聲。