名模Mandy Lieu旗下韓模金愛妍貴為單身一族，希望在港「落地生根」的她入鄉隨俗拜姻緣石求姻緣，雖然過程辛苦，但她坦言不介意，希望付出可成正比，搵番個真命天子！

金愛妍自言擇偶條件簡單，要求男友最緊要顧家同識搞笑。

金愛妍誠心上香，求天賜良緣。

雖行百級樓梯，但金愛妍為求搵個好歸宿冇怨言！

金愛妍依足傳統拜姻緣石。

傳說拜過姻緣石便可覓得美好姻緣，名模Mandy Lieu旗下韓模金愛妍（Kim）現時留港發展，貴為單身一族的她希望可在港「落地生根」，日前便身體力行到灣仔拜姻緣石求好歸宿！正所謂要有好姻緣就先要付出，Kim行過百級樓梯勁辛苦，需不時休息才可繼續，但見她依然努力不懈，最終仍順利登上山頂。

誠心上香做到足

登頂後，Kim「入鄉隨俗」買下香燭誠心上香，見她拜姻緣石有板有眼兼唸唸有詞，似乎對求姻緣一事十分着緊。自言首次拜姻緣石的她感覺十分新奇：「韓國有好多唔同種類嘅廟，有得求好男友、好老公同求子等等，但我就未去過。」雖然登山過程十分辛苦，但Kim坦言依家感值得：「正所謂冇付出就冇收穫，感覺好值得，係一個好好嘅經驗。」

問到擇偶條件？Kim透露會揀顧家男：「一定要好重家庭觀念，仲要勤力同有事業心，同埋要識得搞笑，當然仲要支持我做Model。（閃婚？）如果搵到合適，隨時都可以！」