「港女」一詞總給人貶義，但許靖韻（Angela）竟反過來自認「港女」！談及拍拖，她更自爆是「呷醋女友」，遇到心儀的男孩更會大膽告白，實行主動出擊！

Angela表示遇上心儀男仔會主動出擊，非常大膽！

Angela甜美可人，原來拍拖時會對男友過分緊張。

英皇歌手許靖韻（Angela）上年出道即推出大碟，現時為全公司年紀最小藝人的她備受寵愛，相隔一年，即將推出新EP的Angela透露今次有份參與製作新碟，更找來大學師兄幫她拍攝新歌《R U OK？》的MV：「第一次拍一Shot過嘅MV，中間好緊張，幾秒要換好一套衫，我哋仲拍咗成12個鐘。」她亦透露該師兄落足心機，問到是否對她有意？Angela笑說：「唔係喇。」

自認「呷醋女友」

女孩總渴望被愛，現年21歲的Angela又恨拍拖嗎？她坦言：「現階段我會覺得拍拖係多咗樣煩惱，我係過分緊張嘅人，我諗可能有少少『港女』，我係『奪命追魂Call』嗰啲嚟，如果搵男朋友唔到，我會連續打成十幾廿次。」她亦自認是「呷醋」女友：「我見到男朋友同女仔親密合照會嬲，所以好容易影響情緒。」問到揀男友要有甚麼條件？她表示：「最緊要細心。」另外，她表示新碟所有歌曲都是其心聲，其中《不如告白》講述女孩大膽主動向暗戀的男孩表白，Angela亦承認現實中會主動追男仔：「咁女追男係容易啲，我試過係成功嘅。」

冇咀混血男

另外，對於有指早前看到Angela在夜店跟混血男模親嘴，她大感驚訝並笑言：「冇呀！我平時唔去酒吧，仲要混血兒，我應該識唔到呢啲人，不過都有人傳短訊畀我阿妹話見到我，但我前嗰晚仲同阿妹喺屋企，不過好多人都好似我。」