樂隊KillerSoap日前三度在九展開騷，問到有否想過今次銷情最理想時，他們笑說：「我哋次次都幻想有好多人嚟o架！」曾參與《中國好聲音3》的主音Rocky承認節目對銷情有幫助，並指知名度有所上升：「起初會好爽，但依家覺得冇咁自由，出街都會頭耷耷。」

KillerSoap落力開騷，歌迷反應更加熱烈！

Rocky聽到歌迷一齊大合唱時，忍不住落下男兒淚。

他們感謝歌迷反應熱烈，讓新加入的歌迷也能投入，Rocky更感動到在表演時落下男兒淚：「男人老狗咁樣好醜，有時聽到難聽嘅嘢或者壓力，但面對人群又要表現得好正面，所以當聽到歌迷肯一齊大合唱嗰陣就忍唔住。」他們表示希望能舉行世界巡演：「十年前我哋夢想係搞中國Tour，十年後我哋成功咗，所以呢個夢想唔係冇可能。」