歌手胡鴻鈞（Hubert）日前邀得「翻版薛凱琪」劉沛蘅（Hillary）任MV女主角，並獲導演臨時加插親熱戲，獲女方從後攬實的Hubert感激導演悉心安排，並笑說：「真係艷福無邊！」

胡鴻鈞被「翻版薛凱琪」Hillary從後攬實時，個樣冧到爆！

胡鴻鈞與Hillary要拍出甜蜜感覺，但玻璃窗外卻企滿學生，令他大感尷尬！

胡鴻鈞

胡鴻鈞在工作上作多方面嘗試，非常滿足！

胡鴻鈞近月處男下海拍攝無綫劇集，日前抽空為劇集《載得有情人》主題曲拍攝MV，導演請來索模Hillary飾演Hubert女友，每次拍MV都有女主角的Hubert笑說：「導演對我特別偏心，今次仲搵到Hillary添！開心死我喇！（觸電？）咁又冇，唔好講到咁誇張！」

Hubert更自爆獲導演臨時加插親熱鏡頭，但碰上「放飯」時間，當Hillary從後攬實他時，玻璃窗外企滿學生，令他非常尷尬：「因為對嘴唱歌，導演要求我唱時要流露甜蜜感覺，咁啱外面圍晒中學生，初頭都有啲尷尬，NG咗幾次，好彩Hillary夠專業，令我冇咁顧忌。」

遭歌迷投訴

Hubert表示今年作多方面嘗試，當節目主持、拍劇及接拍多個廣告，更有機會到外地登台搵銀，他滿足地說：「都幾滿意成績。」並透露遭歌迷投訴冇新歌，Hubert說：「話我產量唔多，其實公司為我安排好明年喺歌唱方面，大家可以放心，自己亦會放多啲時間喺音樂上。」