陳鈺芸（JuJu）早前在牛頭角為美容公司拍宣傳片，剛在新西蘭完成電影《臥虎藏龍2》拍攝的JuJu大讚當地風景靚兼水質好，僅以清水洗面皮膚已經又白又滑：「返到香港就即刻爆瘡！一落機就Feel到塊面油淋淋，周圍都起緊嘢咁好嘈！」並自爆劇組的私家大廚每日煮足六餐，因此肥了15磅：「拍戲冇得操拳搞到肥晒！」在新片大騷武功底子的她獲荷里活電影公司垂青：「雖然想簽，但始終香港先係屋企，盡可能抽時間返嚟！」

拍《臥2》好食好住的JuJu肥足15磅，更為香港粉絲放棄簽荷里活電影公司的大好機會。