李佳芯（Ali）最近在無綫劇集《名門暗戰》演出搶眼，飾演岳華情婦的她要對正印關菊英（菊姐）大聲呼喝，令師奶觀眾咬牙切齒！問到經常演反派會否怕被定型？Ali說：「選擇咗做就要做到最好，有人鬧我仲好，即係畀人記得！大家睇我其他節目都會知道我真實一面。」她又表示與菊姐、岳華、張國強及黃浩然等好戲之人合作，獲益良多！提到狂鬧菊姐一幕，視對方為偶像的Ali為此格外緊張：「一Cut機我就冇晒威勢！對住菊姐好尊敬，平時經常留意佢，觀察佢演戲同日常生活，發現原來佢唔係太食甜嘢。」

經常演反派的李佳芯不怕被定型，仲話愈多人鬧愈好。

在《名》劇扮岳華情婦的李佳芯（右），鬧菊姐時直頭上晒身！