鄭希怡（Yumiko）昨日穿上闊身大褸出席活動，大方透露懷有三個半月身孕，問到是否「意外」？她說：「對我嚟講係Surprise，係一擊即中。（預產期？）明年四月中，未知仔定女。」Yumiko透露近日轉了口味吃辣，即被笑指BB出世後會很曳，Yumiko笑說是報應：「算啦！都唔會乖o架喇！」問到會否找高人為BB改名？Yumiko笑說：「自己改，叫涼浸浸。」並透露現時在家是「女王」：「好Enjoy。（可以任使老公？）咁又唔係，佢體貼咗，想食乜佢都盡量買畀我，我知有呢個特權。」她又表示得悉有身孕即通知老闆楊受成及經理人霍汶希，問到會否叫楊生送禮？她說：「唔使，佢送好多嘢畀我喇！（叫好友黃伊汶快啲生？）佢都就快。（佢又有咗？）唔係，佢啱啱結咗婚，互相影響。」

「準媽媽」Yumiko不時雙手摸肚，露出幸福的表情。