剛與男友Denim分手的名模樂基兒，昨日與Jessica C.等出席活動，問到與男友性格不合分手一事，她表示一直不回答感情事，但承認現在單身。問到是否已離開峇里？她說：「我嗰度有物業，都會返去滑水，而且仲有好多朋友喺嗰邊。」又表示沒有再與前夫黎明聯絡，故不清楚對方是否知道她分手一事。提到有沒有機會與黎明愛火重燃？她說：「咁舊嘅嘢，又咁耐嘅唔答。（Ready新戀情？）唔會住，依家專注搞自己嘅珠寶生意，但感情事Never Know。」

雖然與男友分手，但樂基兒仍會回峇里滑水。

蜜運中的JC提起男友安志杰即冧笑。

而JC與安志杰感情一日千里，已發展到在男方家過夜。問到安志杰有甚麼地方吸引？她說：「我哋撞埋一齊就擦出火花，希望搵到真愛，佢成日令到我笑，好Sweet，又啟發我演戲。（認定係男朋友？）向呢個方向進行，佢唔喺我附近就會好掛住。」至於到男方家過夜，JC怕醜地說：「佢好浪漫，我哋一齊睇戲。」