組合Super Girls（SG）及C AllStar日前為拍MV公然「上床」，C AllStar成員King更被爆「床上功夫」了得！另外，Super Girls早前參演舞台劇尾場時，因為感動忍不住變喊包。

Aka差點跳出彈床！

早前生日的Jessica獲舞台劇拍檔送上驚喜蛋糕，即時感觸落淚。

阿King跳到腳仔軟。

兩大組合Super Girls與C AllStar攜手拍新歌MV。

Heidi跳彈床時開心大笑。

女子組合Super Girls最近跟組合C AllStar於新歌《Super Star》中合作，日前他們為新歌拍MV，除載歌載舞外更公然「上床」！原來他們指的是逐個跳彈床，連跳開勁舞的SG亦被考起！

跳到出彈床

拍攝當日，兩隊組合以九人姿態拍攝，整個錄影過程相當開心，兩隊更即場互笠高帽，C AllStar說：「今次難得搵到靚女嚟調劑吓，近得男仔太多，近番女仔好啲！」SG成員Cheronna戲言：「我自己本身都係個男人，所以大家會好夾！」另一成員Heidi就大讚C AllStar舞藝非凡：「佢哋跳舞真係可愛，舞姿又勁，同我哋好有默契，令我哋甘拜下風！」

正式跳彈床時，SG隊長Aka差點跳出彈床，過程相當驚險！而C AllStar成員King自言跳到腳仔軟，即被釗峰抵死地篤爆「床上功夫」最勁：「即係跳彈床功夫好有經驗！」

生日變喊包

另外，SG跟洪卓立（Ken）及陳嘉寶（Anjaylia）等人合作的舞台劇，一連六場於日前圓滿結束，眾人為早前生日的Jessica送上驚喜蛋糕，令她開心得當場變喊包。尾場大合唱時，一時感觸的Ken帶頭哭起來，令其他演員齊齊「跟風」一齊喊，場面感人。