黃淑儀兒子徐肇平（Shao）昨日亦有份出席聖誕揭幕活動，身高1米88的Shao不但外表俊朗，而且廚藝一流，異性緣定必不俗，但他直言現時單身，暫以事業為重。問到今年聖誕節如何度過？他說：「會返加拿大同屋企人過，因為哥哥之前搬咗去洛杉磯，好耐冇成家人一齊過，到時媽咪應該會整聖誕大餐，我就整蘋果批，仲準備咗神秘禮物！（帶女友去？）我冇拍拖，媽咪都冇催！」Shao又透露將於一月推出食譜，內含40多款菜式，故最近相當忙碌：「主打健康、快、平，我鍾意運動，會講吓運動前後要食咩！（問媽咪意見？）暫時冇，想自己努力先。（搵人做白老鼠試味？）會搵朋友，媽咪遲啲都應該會。（廚藝個個讚？）都係！」

高大靚仔的徐肇平正為明年初推出的食譜埋首準備。