視后佘詩曼昨日以一身紅衫出席上水廣場聖誕活動，單身的她直言未有着落，雖然嚮往浪漫聖誕，但今年要在工作中度過的她冇時間與緋聞男友鄭嘉穎約會，最多只可跟好姊妹開Party過節。

化身愛神的徐肇平親手餵佘詩曼食馬卡龍。

以Sharp爆紅衣現身的佘詩曼，今年聖誕無暇與緋聞男友鄭嘉穎約會。

佘詩曼與徐肇平手持陶瓷娃娃與眾人主持揭幕儀式。

商場擺放了音樂迴廊，提示大家浪漫聖誕即將來臨。

視后佘詩曼及黃淑儀兒子徐肇平昨日到上水廣場出席《聖誕夢幻國度》揭幕禮，戴假翅膀扮愛神的徐肇平為阿佘送上馬卡龍，大會請來法國陶瓷娃娃手藝師Alexandra Soury帶多款特製娃娃到場，阿佘大讚公主造型的娃娃可愛。

自製聖誕樹蛋糕

身穿紅衣的阿佘在台上分享過得最浪漫的聖誕節，更自爆曾在法國邊落雪邊欣賞燈飾過平安夜：「不過係去工作，係同工作人員過。（有高大靚仔？）哈哈！保安囉！」並提起少女時期的Puppy Love，當年她親手炮製聖誕樹造型的蛋糕給男友，更悉心地圍上小燈飾：「不過就要好近個燈掣，我又送咗個有音樂嘅聖誕卡！（男友收到後咩反應？）梗係好開心啦！」

阿佘指聖誕期間要拍《十月初五的月光》電影版，或會在澳門過節，若時間許可的話會相約一班好姊妹開P ，順道慶祝周家蔚懷第二胎。

預告明年浪漫約會

問到會否想生BB？她說：「唔會啦！身邊已經有太多小朋友，見到佢哋就開心！（憧憬浪漫聖誕？）都好呀！係女仔都想，但今年趕唔切喇！寄望下年啦！（唔心急？）隨緣啦！」提到鄭嘉穎揚言與胡杏兒沒可能發展，她說：「唔知呀！冇睇新聞，我哋朋友方式相處好開心！（聖誕約嘉穎？）應該冇時間。」

有傳《十》片男主角張智霖因改劇本而與導演葉念琛不和，阿佘否認其事：「梗係冇面左左啦！我哋尋日先開完工，大家好愉快！至於劇本一路改緊，唔係因為邊個，係大家想完美啲！」