內地女星鞏俐昨晚現身品牌活動，對於憑電影《歸來》提名金馬獎影后，她坦言感到榮幸又慚愧：「我係第一次參加金馬獎，以前一直冇機會。（有冇信心？）大家都表現得好好，邊個攞獎都開心。好似趙薇，佢改變好大，湯唯都好好，都有睇過佢哋提名嘅片，所以競爭好激烈。」

穿上低胸裙的鞏俐心情大靚，不時揮手。

鞏俐昨晚出席品牌活動時大受歡迎，對於提名金馬獎影后感榮幸。

時裝品牌Prada昨晚舉行展覽揭幕酒會，星光熠熠！

對於有傳金馬評審團主席陳沖跟她鬧不和？她反問：「誰說？只係傳聞，沒有。我相信係好嘅電影，大家會公平對待。（你哋係咪朋友？）大家都係好演員，佢仲係好導演，大家互相欣賞，下次我就做佢嘅演員啦！」

另外，有指她接拍電影《大鬧天宮》續集？她坦言正在看劇本，但仍未簽約：「我睇咗劇本，好鍾意，係飾演一個白骨精。（片酬高達1,200萬人民幣？）都未最後落實，片酬稍後再談。（遇到好角色平啲片酬？）當然會，便宜都冇所謂，片酬唔係咁重要。」