婷婷冇諗過分手狂哭
前日驚爆與戴尚安（Sean）分手的謝婷婷，昨晚Deep V騷胸出席品牌Prada的活動，分手後首度見傳媒的婷婷，提起舊愛Sean即強顏歡笑，直言未Ready分手的她，更自爆與Sean齊齊變喊包！她又否認時尚Blogger Cindy介入戀情，並稱開心有人陪Sean玩樂，但言談間似乎「有骨落地」！
婷婷表示與Sean和平分手，更極力維護舊愛是個好男人。
Sean昨日在Instagram上載相片，宣傳他未來的慈善相展。
Cindy Ko曾與Sean夜蒲而傳出緋聞。
著名時裝品牌Prada昨晚在中環舉行「PRADASPHERE展覽揭幕酒會」，邀得近期紅爆的韓星車勝元及孔孝真，至於驚爆與男友戴尚安（Sean）分手的謝婷婷亦有現身活動，同場更有鞏俐、新西蘭創作女歌手Lorde及李嘉欣等，星光熠熠！本報前日踢爆婷婷難忍Sean日前荒唐夜蒲，並與好友兼時尚Blogger Cindy Ko玩到剝晒衫，因而決心斬纜飛甩Sean，卻被男方搶先一步在Instagram自爆「分」訊，試圖轉移視線！
雙方有共識
分手後首度露面的婷婷，以一身超性感低胸裙現身，大晒南北半球的她更自爆真空上陣，僅以乳貼打底！不時轉身展示大露背的婷婷，雖然全程有講有笑，但當提起感情事，明顯強顏歡笑！婷婷主動向記者透露與拍拖一年的Sean於本月13日分手，並強調雙方有共識，認為更適合做朋友：「係一齊決定，我知佢喺網上宣布，係我畀佢宣布。」她直言二人分手時齊齊變喊包：「我哋傾嗰時都有喊，覺得好可惜，冇諗過會發生，但冇Hard Feeling。」似是露口風未Ready分手！她又澄清分手與Sean日前夜蒲爛玩無關，更多次力撐舊愛「好仔」：「其實（夜蒲）之前已經決定分手，但決定咗冇講你哋知，所以戥佢慘。個（夜蒲）報道出咗街，Sean都有打畀我Say Sorry，咁我就話唔緊要，其他女仔遇到佢咁好嘅男仔會好幸福。」狂讚舊愛的婷婷更極力否認好友兼時尚Blogger Cindy Ko介入戀情：「Cindy係我哋嘅好朋友，佢同個個都出街，其實我好開心Cindy陪Sean出去玩，Cindy係好女仔、好玩得。」雖然婷婷強調「好開心」，惟講法略嫌牽強！
復合機會微
婷婷又否定與Sean的復合機會：「唔係好似睇戲嘅愛情故事咁，仲有好多其他因素。」她更表示四哥（謝賢）及拉姑已得知她分手一事。雖然剛與Sean分手，但提起舊愛安志杰與Jessica C.拍拖亦大方送上祝福，更直言未有酸溜溜：「好好呀，戥佢哋開心。（會唔會覺得好諷刺？）係Timing嘅問題，係好搞笑。」派對後婷婷匆匆返家。而Sean昨日亦在Instagram上載相片宣傳他未來的慈善相展，似乎未有受分手一事影響。另外，記者致電謝賢問他有否安慰剛分手的囡囡？他說：「你乖啦！唔好問我家事啦，Bye Bye。」
