馬國明（馬明）緋聞女友徐佳琦昨日出席Swatch店舖開幕，提到馬明早前赤裸上身踢波露腩肉，男神慘變「腩神」，她說：「我都係第一次睇，男女一樣總會有段時間休息食多咗。（你咁Fit，帶佢做運動？）唔會，我哋住得唔近。」突然一反常態，莫非緋聞「見光死」？她說：「唔係，發唔發展係睇兩個人，我哋初步了解。（發現唔啱大家？）啱啱了解已經畀你哋影到，加上大家好忙，一個月冇聯絡喇！」

徐佳琦做模特兒展示手錶。

而林峯女友吳千語亦有出席，對於男友表示想找攝影師陳漫影婚照，並漏口風稱不用太久，她說：「我有睇報道，佢係想影新唱片。（結婚未有耐？）未，答咗好多次。（林峯有冇話想幾多歲結？）冇講過。（你呢？）10年內，我想35歲生小朋友。」