林盛斌（Bob）及陳嘉佳（細細粒）最近成為熱爆螢幕情侶，大受歡迎，他們前晚再下一城為台慶排練辣身舞，小寶投入得驚現高潮眼，難怪Bob笑言跳完後「硬晒」！

Bob使出一招托大腳，細細粒以「輕撫你的臉」回敬。（設計對白）

擒拿腿
細細粒和Bob互相撫摸，大膽又搞笑。

銷魂手

吊住咀
細細粒和Bob台慶夜將上演「巴黎鐵塔反轉再反轉」。

Bob被明恩（左起）、嘉琪和細細粒等五美圍住，非常好艷福。

林盛斌、陳嘉佳、梁嘉琪及陳明恩等劇集《老表，你好hea！》演員前晚為台慶進行綵排，Bob及細細粒在歌曲《激情》的襯托下，上演超重量級辣身舞，更不乏貼身動作，Bob雙手在女方的大髀及腰間游走，細細粒則整個人壓在Bob身上，期間更投入得驚現高潮眼，極具官能刺激！

吊威吔驚生唔到仔

事後Bob笑言「跳到硬晒」：「骨頭硬晒！原來我啲骨好脆弱！」細細粒則滿頭大汗，被Bob取笑「濕晒」，他們又透露台慶夜將有更激演出，將表演「巴黎鐵塔反轉再反轉」，Bob會倒吊與細細粒咀嘴！他說：「係我第一次吊威吔，相信係邁向48年台慶最誇張一次，未知條威吔承唔承受到我嘅磅數，如果做到，個畫面將會好美好！」提到他們的激咀戲播出後被網友廣傳，Bob表示太太有收看，亦不介意他拍親熱戲，反而是不敢給女兒看：「驚佢會嬲足我一年，之前同官恩娜拖手咋，個女都嬲我一日。」人氣急升的Bob及細細粒又直認出騷價有上升，更有不少人邀請他們以情侶檔演出。

Bob昨日正式試吊威吔，「倒豎葱」停留空中近二十秒！事後他笑言「好驚」，擔心不能再生第四個小朋友：「倒轉成個人20幾30秒，落到嚟都有啲見暈！」他又笑言本是將細細粒吊上去，但威吔組同事沒法購買較粗的威吔繩，提到台星潘瑋柏早前吊威吔墮地傷頭，他說：「冇事啩！如果我跌落嚟，細細粒會捱義氣墊住我！當佢氣墊！」

嘉琪騷腿靠祖藍

另外，嘉琪前晚表示是首次參與台慶劇，劇集播出後獲網友大讚擁有修長美腿，她表示多得編劇加主角王祖藍精心安排：「蚊蚊（萬綺雯）同李亞男咁索都冇得露，我又成日企祖藍隔籬，佢矮，先咁有效果咋！」