愛爾蘭樂隊U2的主音歌手Bono前日搭私人飛機到德國期間，機尾艙門在8千呎高空上竟然離奇脫落，連行李也拋出機外，最恐怖的是Bono與同行朋友未有發覺，落地一刻始得悉死過翻生！

死過翻生的Bono（右）冇穿冇爛現身，可喜可賀。（東方IC圖片）

Bono原定與樂隊成員出席德國斑比國際音樂獎頒獎禮領取獎項，由於他跟德國經濟合作與發展部長Gerd Mueller進行外交會面故提早出發，當日Bono與4名友人乘坐Learjet 60 D-CEGO私人飛機，由愛爾蘭首都都柏林飛至德國柏林，全程兩小時，當飛機抵達德國海岸上空、約8千呎高空時機尾艙門突然脫落。

行李跌晒出機

英美傳媒引述消息人士說：「佢（Bono）真係好幸運，飛機好有可能墜落！其實飛咗大約一小時左右，佢哋已經聽到機尾傳來好大嘅撞擊聲！」與此同時，機組人員早已察覺不妥：「佢哋都覺得有啲奇怪，但繼續飛，最終喺柏林機場降落。着陸後先知機尾出事，部分機體完全脫離，尾門同放喺機尾嘅行李全部跌出機外！」行李未知跌落海或陸地，但Bono與友人實在非常幸運：「全部人都覺得執番條命，呢個高度真係咩事都有可能發生！」

殘骸或墜柏林

而德國邦航空意外調查局官員證實，Bono所乘坐的飛機機門在半空脫落，飛機安全降落目的地，事件中無人受傷，當局正調查是次意外。而柏林機場管理局發言人則透露，有傳言指飛機的一部分墜落在柏林附近地區。死過翻生的Bono抵達柏林後，如期與Gerd Mueller進行會面，並將於下周四與隊友出席班比頒獎禮領取大獎及表演。