前港姐陳庭欣日前為無綫台慶試戰衣，大騷強勁事業線的她，笑言在隆重日子性感少少都冇問題！一向主力擔任司儀的她近年開始拍劇，並希望可兩邊兼顧，做個Talk得又演得的全方位藝人，事業心相當強！

港姐出身的陳庭欣高貴優雅，但她希望嘗試更多不同角色，予人新鮮感。

前面「峰」騷，後勁亦凌厲，陳庭欣白滑玉背任睇唔嬲！

重視台慶的陳庭欣日前已出動試戰衣，務求艷絕紅地氈！

港姐出身的陳庭欣（Toby）日前為一年一度的無綫台慶試戰衣，屬有料之人的Toby最近經常大晒身材，她分別試了兩套性感低胸晚裝，深長事業線表露無遺，有望於台慶當日成為全場焦點！Toby笑說：「台慶係盛大隆重嘅日子，性感少少冇問題，最緊要着得好睇同埋唔好走光！」曾在台慶抽中一萬元獎金的她透露當晚會戴上幸運色調的首飾，希望今年可抽到層樓！

望除港姐味

一向以司儀及主持工作為主的Toby，近年積極參與拍劇，並已將螢幕初吻獻給洪永城，她透露新劇與袁偉豪有纏綿戲及咀戲。問到拍劇的得着，她笑說：「拍劇除咗令我識到更多唔同藝員，仲可以同唔同嘅人咀！」Toby曾飾演拜金港女及專業人士等不同角色，她希望可撇甩港姐的斯文形象及MC腔，嘗試更多不同造型。

拍劇變司儀

Toby大方分享拍台慶劇《名門暗戰》的趣事：「劇入面有幾個開記者會嘅場口，本身我負責拍手，點知監製臨時叫我上台扮埋司儀，可能我做司儀個形象太深入民心！」她笑稱在拍劇方面仍是初哥，故未敢奢望奪獎，但希望能同時兼顧司儀及拍劇的工作。